વૈશ્યા

વૈશ્યા

લજ્જાનો ઘુંઘટ ત્યજી દેહના સોદા થાય છે
જગમાં ત્યારે વૈશ્યાનું નામ એને અપાય છે

જખ્મ તો એનેય લાગ્યા,હૈયે અને દેહ પર
હસતુ મુખડુ રાખી બધા દર્દ એ સહી જાય છે

સપના એનાય હતા ભદ્ર જીવન જીવવાના
કિસ્મતના પ્રહાર એને અભદ્ર બનાવી જાય છે

લાગણીઓના તો ફૂટે છે એનાય હૈયે અંકુર
કોમળ એના દિલ પર જ્યારે પથ્થર મૂકાય છે

જગ માટે તો છે એ દુરાચારી અને પાપીણિ
એ તો કેટલાય પાપીઓનું પાપ શોષી જાય છે

સ્વેચ્છાએ તો કોઈ ના લે દેહ વેચીને દર્દ 'અનંત'
ભૂખ નીતરતી આંખો એને ભક્ષવા દોડી જાય છે

- ચિરાગ