ચંદ્ર અને ચાંદની

ચંદ્ર અને ચાંદની

સૌંદર્યનો સ્પર્શ કરવા, તને છોડી જાઉ છું
ચાંદની કહે ચંદ્રને ધરતી પર હું જાઉ છું

પંખીઓનો મીઠો કલરવ કાનને જ્યારે સ્પર્શે
હૈયાને મળતી ટાઢક પર હું તો મોહિત થઉ છું

ડુંગર ખુંધી નીર જ્યારે સાગરમાં સમાય
સરિતાના એ પ્રેમમાં જાણે હું ડૂબી જાઉ છું

વસંતી સવારે જ્યારે કિરણ સોનેરી પથરાય
પ્રકૃતિના ખાેળે હું તો ભાન ભૂલી જાઉ છું

પનઘટ પર પાણી લેતા ગાગર જ્યારે છલકે
હરખની એ વર્ષામાં મન ભરી ભિંજાઉ છું

બે હૈયા વચ્ચે જ્યારે પ્રણયની ગાંઠ બંધાય
પ્રીતનું એ સુખ માણવા હું તો ઘેલી થઉ છું

વસુંધરાની સુંદર ધરા જ્યારે જ્યારે જોઉ છું
ખરા પ્રેમથી વંચિત, અહીં બેઠી રુંધાઉ છું

- ચિરાગ