જાસુદની કળી

જાસુદની કળી


વસંતી મોસમમાં ખુશીની ચાવી એને મળી
જાસુદના છોડ ઉપર ખિલી ઉઠી એક કળી

મનમાં એના બાંધીને આશાના પહાડ
રંગીન દુનિયા જોવા એ થઈ ઉતાવળી

ફુલ બનીને ખિલશે, ફેલાવશે મહેક
જગને મોહિત કરતી ફોરમ છે એને મળી

એની ફરતે પ્રેમમાં ભમરા કરશે ગુંજન
આખાય ઉપવનમાં થશે એ તો સોહામણી

સપના હતા એ શીશના, ભાંગી ભૂકો થયા
નિર્દોષ હતી છતાં પણ સજા એને મળી

કરવી'તી ફરિયાદ, જાણવા એનો અપરાધ?
કોમળ ફૂલની કળીને એ તક પણ ના મળી

ફૂલ બન્યા પહેલા જ એ કળી તો મુરઝાઈ
ખુશીના પ્રભાત વિના જ દુ:ખની સંધ્યા ઢળી
જાસુદના છોડ ઉપર ખિલી હતી એક કળી...

- ચિરાગ..