વિધિની વક્રતા

વિધિની વક્રતા

તું વાટ જોતી ઊભી હતી
ને મારે પણ તને મળવું હતું !
અનુરાગી મુજ સરિતાને
તારા પ્રેમસાગરમાં‌ ભળવું હતું !

વૈશાખના વીંઝાતા વાયરા
મુજ હૈયાને પણ ડોલાવતા હતાં !
કોરા છતાં સ્નેહભીના
વાદળ મુજને પણ ભીંજવતા હતાં !

મુજ  હૈયાનાં પ્રેમ-મેઘને  તો
સદીઓથી તુજ હૈયે વરસવવો હતો !
સજની,
તરસતા તુજ હૈયાનાં પ્યાલાને
મારે આજ પ્રેમરસથી‌  છલકાવવો હતો !

વિધિની કેવી આ વક્રતા
તરસ્યાંને જળ ન જ મળ્યા !!
તું વાટ જોતી ઊભી રહી પણ
હું મુસાફર‌ હતો અલખના મારગનો !! (૨)


ચિરાગ (અનંત)
૧૮/૦૫/૨૦૨૦
બપોરે ૨:૪૫ કલાકે
પાટણ (ઘરે)
કોઈના કાવ્ય ના પ્રત્યુતર રૂપે