તું અને તારી વાતો

તું અને તારી વાતો

યાદ મને આવે છે કાલી-ઘેલી તારી વાતો
અંતરને ભીંજવે છે આજે તારી મીઠી વાતો

યાદ કરું છું આજે જ્યારે મીઠો સ્પર્શ તારો
તરસ્યાં દિલને મળે જાણે સાગરનો સહારો
એ સાગરમાં સંસ્મરણોનું ‌મોતી ખોળવા જાતો
અંતરને ભીંજવે છે આજે તારી મીઠી વાતો

અંતરનું આ ગીત છે,‌તુ‌ં મારી મન-મીત છે
વાંસળીના સૂરમાં‌ વર્તાઈ રહી આ પ્રીત છે
રાધલડીની યાદમાં જોને શ્યામ પણ મુંઝાતો
અંતરને ભીંજવે છે આજે તારી મીઠી વાતો

પ્રેમનો અહેસાસ તું, 'અનંતનો' છે શ્વાસ તું
ડગે જ્યારે હૈયું મારું, છે મારો વિશ્વાસ તું
નખરાળ તારા નેણનું આ પ્રેમગીત હું ગાતો
અંતરને ભીંજવે છે આજે તારી મીઠી વાતો

- ચિરાગ (અનંત)
તા‌. ૧૯/૩/૨૦૧૯
સમય. સાંજે ૯:૦૮ વાગ્યે
સ્થળઃ કરમસદ

• પ્રિયજનની યાદમાં........