શ્યામ આવો...

શ્યામ આવો...

આજ ભક્તો પોકારે મારા શ્યામ આવો
શ્યામ આવો મને ભવ તરાવો
આજ ભક્તો પોકારે મારા શ્યામ આવો....

રાધાના ક્હાન તમે યશોદાના વ્હાલા
મીરાંના રણછોડ તને કરું કાલાં વાલા
વાંસળીના સૂરે ગોપીઓને નચાવો
આજ ભક્તો પોકારે મારા શ્યામ આવો....

કુબ્જાની પ્રીતિ સાધી, કંસને સંહાર્યો
કુરુના એ રણમાં તમે પાર્થને ય પ્રેર્યો
ગીતાના જ્ઞાન તણો દીપ પ્રગટાવો
આજ ભક્તો પોકારે મારા શ્યામ આવો....

સખા તમે જ મારા વ્હાલા ગીરધારી
સાંભળી પધારો સ્વામી રંકની આ વાણી
જીવન તણા યુદ્ધમાં મારા સારથી થાઓ
આજ ભક્તો પોકારે મારા શ્યામ આવો....

- ચિરાગ (અનંત)
તા. ૨૭/૦૩/૨૦૧૯
સમય: બપોરે ૧૨:૩૦ કલાકે
સ્થળઃ કરમસદ
પ્રભુના સ્મરણમાં....