રંગભરી દુનિયા

રંગભરી દુનિયા

એક અજાયબી છે આ રંગભરી દુનિયા
ક્ષણે ક્ષણે રંગ બદલે આ રંગભરી દુનિયા

ચહેરાે છે એક છતા રંગ છે એના અનેક
ભાવશૂન્ય એ રંગોળીને સમજતા થાક્યા

લાલ રંગ એ પ્રણયનો, સ્વાર્થમાં થયો સફેદ
સતરંગી પ્રીતના રંગચિત્રને રચતા થાક્યા

ખુશામદ ને કપટનો ચડ્યો છે કાળો રંગ
કેસરીયો એ રંગ શોર્યનો શોધતા થાક્યા

રંગોના આ બદલાવથી રચાયો આજે રાક્ષસ
પવિત્ર રંગભર્યો એક માનવ સર્જતા થાક્યા

ચિત્રકાર મુંઝાયો રંગની માયાજાળમાં 'અનંત'
માનવે જ્યારે માનવતાના અંશ પણ ના રાખ્યા


- ચિરાગ (અનંત)