બહાનું

હવે એને યાદ કરવા પણ બહાનુ આપું ?

કે સીધું મારા દિલ સુધીનું સરનામુ આપું 

આ ખળખળતી નદીના મીઠા સંગીતમાં

એના એ મઘુર સ્વરનો રણકાર અનુભવું

કેમ કરી આ પુરાવાનું સોગંદનામું આપું !

વાયરાની શીતલહેર જ્યાં મને સ્પર્શે 'ને

ત્યાં જ એની ફોરમનો અહેસાસ કરાવે 

હવે શું હું એનું પણ જાહેરનામું આપું ?

એના સવાલોની આ અસમંજસમાં જોને 

આ નવીન પાંગરતા પ્રેમને ગુંગળામણ થાય

જવાબની જવાબદારીને જ રાજીનામું આપું

કેમ કરી મારી લાગણીનું આ પ્રેમપાનું આપું

હવે તો 'અનંત' એવી યાદ પણ એને આપું 

અને યાદ કરવાનું બહાનું પણ એને આપું !!

ચિરાગ (અનંત)

૨૬/૪/૨૦૨૪ રાત્રે ૧૧ કલાકે..

સ્થળ : ઉદયપુર..