અમાસનો ચાંદ...
રત્નજડિત સજ્યું છે સૂનું આકાશ
આજ અમાસે જો'ને ચાંદ ખિલ્યો!
પ્રસરાયો આ ઘોર તિમિરમાં પ્રકાશ
આજ અમાસે જો'ને ચાંદ ખિલ્યો!
નભ એકલતાનાં વિષાદે રૂંધાયુ હતું
જાણે અંધકારના વાદળે ઘેરાયું હતું
જાગી આજ નવ-જીવનની આસ
આજ અમાસે જો'ને ચાંદ ખિલ્યો!
શુષ્ક-અચેતન પડયું હતું જે વ્યોમ
પ્રીતિમય પુષ્પથી પાંગર્યું એ વ્યોમ
સર્વ, બસ પ્રણયની પ્રસરાઈ સુવાસ
આજ અમાસે જો'ને ચાંદ ખિલ્યો!
સૈકાથી પ્રણય તરસ્યું રહયું વ્યોમ
હતું જો'ને શૂન્ય સરીખું આ વ્યોમ
આજ પામ્યું 'અનંત' 'કેરો ઊજાસ
આજ અમાસે જો'ને ચાંદ ખિલ્યો!
- ચિરાગ (અનંત)
૨/૫/૨૦૨૧
સિવિલ હોસ્પિટલમાં...
ટિપ્પણીઓ નથી:
ટિપ્પણી પોસ્ટ કરો
chiragcontractor07@gmail.com