રજની

રજની

હીરા-જડિત ચાદર ઓઢીને વસુંધરા આ પોઢી
ઘોર નીરવ અંધકારમાં પણ તું છે કેમ જાગતી ?

વિરલ તારા અંધકારમાં સ્થગિત થયું આ વિશ્વ
સ્થિરતામાં પણ ચંચળ તું  પ્રકાશવેગે ભાગતી !

સાગરના ઘુઘવાટમાં ને વાયરા ના સુસવાટમાં
ઊછળકૂદ કરતી તું જાણે નર્તકી બની નાચતી !

પૂનમની તુ નવવધૂ છે તો અમાસમા તુ જોગણ
મેઘઘટા ગરજે ત્યાં તો તું રડતી બાળા ભાસતી !

રજની કહું તને  નિશા કહું,કે કહું રાત ઘનઘોર
ભિન્ન નામ છતાં પણ તું 'અનંત'માં એક લાગતી !

ચિરાગ (અનંત)


તા ૧૮/૬/૨૦૧૮ સોમવાર
સમય ૮:૨૪ સાંજે
સ્થળ : બસમાં, આણંદ-અમદાવાદ એક્સપ્રેસવે...