જીવી રહ્યો છું

 જીવી રહ્યો છું

તુ કાગળ છે તો હું કલમ

તુ ચિત્ર છે તો હું રંગ

તુ તૃષ્ણા છે તો હું જળ

તું ભૂખ છે તો હું ભોજન

તારા વિના હું અધૂરો છું 

ને મારા વિના તુ પણ પૂર્ણ તો નથી જ..

કેમ કરી કહું કે
જીવી રહ્યો છું તારી યાદમાં

તારી પાંપણનો પલકાર
 જયારે થાય, જગ આખું થોભી જાય
કેમ કરી કહું કે
જીવી રહ્યો છું પાંપણના એ પલકારમાં

સ્મિતભર્યું તારું મુખડું
જયારે મલકાય, જગ આખું આનંદમાં છલકાય
કેમ કરી કહું કે
જીવી રહ્યો છું હોઠોના એ મલકાટમાં

તારી જુલ્ફોની ઘટા
ઘટાદાર એ વનમાં ગુમવાનું મન થાય
કેમ કરી કહું કે
જીવી રહ્યો છું જુલ્ફોની એ જાળમાં

તું વસી છે 'ચિરાગ'ના શ્વાસમાં
રોકી રાખ્યો છે શ્વાસ
 મિલનની અધુરી આસમાં
કેમ કરી કહું કે
જીવી રહ્યો છું મિલન ના અધૂરા એ વિશ્વાસમાં
જીવી રહ્યો છું તારી યાદમાં  .....


-ચિરાગ