કરું છું એકરાર લઈને ગઝલનો સહારો
થઈ જા ને તું મારી, હું તો છું જ તારો !
જીવન કેરી ડગરમાં ઝંખું તારો સથવારો
થઈ જા ને તું મારી, હું તો છું જ તારો !
પ્રેમનગરમાં સાથ તારો લાગે મને ન્યારો
થઈ જા ને તું મારી, હું તો છું જ તારો !
સાથે મળી સિંચીશુ પ્રીતરૂપી આ ક્યારો
થઈ જા ને તું મારી, હું તો છું જ તારો !
નથી સહેવો 'અનંત' હવે એકલતાનો ભારો
થઈ જા ને તું મારી, હું તો છું જ તારો !
- ચિરાગ (અનંત)...
સિ.હો.અ. પુસ્તકાલય
૯/૩/૨૦૨૨ સાંજે ૫:૦૨ કલાકે..
એક કપ ચ્હા...
પળભર માટે છોડીને પ્રેમ - વ્હેમની વાતો
સમી સાંજે તાજી કરીએ દોસ્તીની યાદો
હાલને, એક કપ ચ્હા પીએ...
પળવાર માટે છોડી દે બધી ઘર - જંજાળ
મસ્તીભરી જૂની યાદો તાજી કરીએ યાર
હાલને, એક કપ ચ્હા પીએ...
એક જ ચૂસકી લેતાં વિસરાય બધું ટેન્શન
હોઠ પર આવે હાસ્ય અને ખીલી ઊઠે મન
હાલને, એક કપ ચ્હા પીએ...
મૂકી દઈ મનના કોઈ ખૂણે મુંઝવણો તમામ
ભૂલી બધા કામ, પીએ દોસ્તીનો આ જામ
હાલને, એક કપ ચ્હા પીએ...
મૈત્રીની મોંઘેરી પળો નથી ક્યાંય બીજે મળતી
ચ્હા ને બહાને ભેગાં મળી, કરીએ થોડી મસ્તી
હાલને, એક કપ ચ્હા પીએ...
ચિરાગ (અનંત)
૧૭/૦૧/૨૦૨૩.
બપોરે ૪:૧૮ વાગ્યે..
